Պրոբացիայի ծառայության Սյունիքի մարզային մարմնի աշխատակիցները, վերասոցիալականացման ծրագրի շրջանակում, թվով 10 շահառուների հետ միասին մասնակցել են Գորիսի Չոփչունց ձորի նորակառույց թաղամասում մեկնարկած «Վարդերի բլուր» ծրագրին։

Նախաձեռնության ընթացքում իրականացվել է վարդի թփերի զանգվածային տնկում, որի նպատակն է խթանել շահառուների բնապահպանական գիտակցության զարգացումը, ձևավորել պատասխանատու վերաբերմունք շրջակա միջավայրի նկատմամբ, ինչպես նաև ընդլայնել նրանց ներգրավվածությունը համայնքային կյանքում։

Ծրագիրը միտված է նաև նպաստելու շահառուների անձնային և սոցիալական զարգացմանը՝ խրախուսելով օգտակար գործունեությունը և դրական վարքագծի ձևավորումը։