Պրոբացիայի շահառուները բացահայտել են հնագույն Մեծամորի պատմությունը թանգարանային այցի ընթացքում
հուլիսի 30, 2025
Պրոբացիայի ծառայության Արմավիրի մարզային մարմնի աշխատակիցների ուղեկցությամբ ծառայությունում հաշվառված թվով 17 շահառու այցելել է «Մեծամոր» պատմահնագիտական արգելոց-թանգարան։
Թանգարանում շահառուները հնարավորություն են ունեցել ծանոթանալու Մեծամորի բազմահազարամյա մշակույթին և քաղաքակրթական նշանակությանը՝ ուսումնասիրելով հնագիտական պեղումների ժամանակ հայտնաբերված նյութական մշակույթի արժեքավոր նմուշները։ Այցի ընթացքում ներկայացվել է տարածաշրջանի պատմությունը՝ սկսած բրոնզե դարից մինչև ուշ միջնադար՝ ընդգծելով Մեծամորի՝ որպես մշակութային և տնտեսական կենտրոնի դերը։
Թանգարանային միջավայրը նպաստել է շահառուների պատմական ինքնագիտակցության զարգացմանը, արժեհամակարգի հարստացմանն ու հնագույն քաղաքակրթությունների հանդեպ հետաքրքրության խորացմանը։ Նմանատիպ միջոցառումները հզորացնում են շահառուների վերլուծական, հաղորդակցական և դիտարկման հմտությունները՝ միաժամանակ ձևավորելով հարգանք մշակութային ժառանգության նկատմամբ։
Վերասոցիալականացման ծրագրի մշակութային բաղադրիչը միտված է շահառուների՝ հասարակություն վերաինտեգրմանը՝ մշակույթն ու արվեստը դիտարկելով որպես կրթական, ճանաչողական և վերականգնողական հարթակ։