Եվրոպայի խորհրդի 2023-2026 թվականների Հայաստանի գործողությունների ծրագրով ֆինանսավորվող «Աջակցություն պրոբացիայի ծառայության հզորացմանը Հայաստանում» ծրագրի շրջանակում մշակվել է «Կախվածությունների հաղթահարման» վերականգնողական ծրագրի ձեռնարկը։

Ծրագիրը մշակվել է միջազգային ու ազգային փորձագետների կողմից և 2025 թ․ հուլիսի 4-ից մեկնարկած պիլոտային աշխատանքներով փորձարկվել է Պրոբացիայի ծառայությունում։ Պիլոտային փուլն ավարտվել է օգոստոսի 20-ին։

Ծրագրի նպատակն է աջակցել պրոբացիայի շահառուներին՝ տարբեր կախվածություններից հրաժարվելու մոտիվացիայի բարձրացմանը, վնասակար հետևանքների գիտակցմանը, փոփոխության և բուժման գործընթացում դրական ընտրություն կատարելու կարողության ձևավորմանը։ Վերականգնողական ծրագիրը միտված է նաև հմտությունների և գիտելիքների զարգացմանը, որոնք կնպաստեն շահառուների սոցիալական reinտեգրմանը։

Պիլոտային ծրագրի ընթացքում անցկացվել է 9 հանդիպում, որին մասնակցել են 9 շահառուներ։ Դասընթացների ավարտին մասնակիցներին շնորհվել են հավաստագրեր։

Այս նախաձեռնությունը կարևոր քայլ է պրոբացիայի համակարգում կախվածությունների հաղթահարմանն ուղղված գործիքակազմի ներդրման և շահառուների հետ վերականգնողական աշխատանքի զարգացման գործընթացում։