Պրոբացիայի ծառայության Շիրակի մարզային մարմինը «Արևամանուկ» հոգեսոցիալական աջակցության հիմնադրամի հետ կնքված համագործակցության հուշագրի շրջանակում կազմակերպել է վերասոցիալականացման միջոցառում «Ինչպես է արձագանքում հոգեկանը կյանքի դժվար իրավիճակներում» թեմայով։ Միջոցառմանը մասնակցել է մարզային մարմնում հաշվառված 8 շահառու։
Միջոցառման նպատակն էր շահառուներին ծանոթացնել սթրեսային և դժվար իրավիճակներում մարդու հոգեկանի արձագանքման առանձնահատկություններին, ինչպես նաև դրանց հաղթահարման արդյունավետ եղանակներին։ Այն նպաստում է շահառուների հուզական կայունության ամրապնդմանը, ինքնատիրապետման հմտությունների զարգացմանը և դրական վարքագծային փոփոխություններին։
