Սույն թվականի մարտի 16-ին Պրոբացիայի ծառայության պետ Գուրգեն Աֆրիկյանը հանդիպել է Հայաստանում Լեհաստանի Հանրապետության դեսպանության գործերի ժամանակավոր հավատարմատար Մարչին Ռուժիցկուն։

Հանդիպման ընթացքում քննարկվել են պրոբացիայի ոլորտում իրականացվող ծրագրերը, համագործակցության ընդլայնման հնարավորությունները, ինչպես նաև փորձի փոխանակման և նոր նախաձեռնությունների ձևավորման հեռանկարները։

Ծառայության պետը կարևորել է միջազգային գործընկերների հետ համագործակցության շարունակական զարգացումը՝ ընդգծելով այն որպես ծառայության ինստիտուցիոնալ կարողությունների ամրապնդման կարևոր գործոն։

Կողմերը պատրաստակամություն են հայտնել շարունակելու կառուցողական երկխոսությունն ու համագործակցությունը՝ ուղղված պրոբացիայի ոլորտում արդյունավետ նախաձեռնությունների իրականացմանը։