Պրոբացիայի ծառայության Արագածոտնի մարզային մարմնում հաշվառված 16 շահառու վերասոցիալականացման ծրագրերի շրջանակներում մասնակցել են մշակութային միջոցառման։ Շահառուները Ծառայության աշխատակիցների ուղեկցությամբ այցելել են Ալեքսանդր Սպենդիարյանի անվան օպերայի և բալետի ազգային ակադեմիական թատրոն՝ դիտելու «Գայանե» բալետը։

Միջոցառման նպատակն էր նպաստել շահառուների մշակութային ընկալումների և գեղագիտական հետաքրքրությունների զարգացմանը՝ խթանելով նրանց սոցիալական ներառումն ու հասարակության կյանքում ակտիվ մասնակցությունը։

Նշենք, որ վերահսկողության մեջ գտնվող երկու շահառուի նախաձեռնությամբ Արագածոտնի մարզային մարմինը տրամադրել էր մուտքի տոմսեր նաև նրանց կանանց և մայրերին՝ ընդգծելով ընտանիքի ներգրավվածության կարևորությունը վերաինտեգրման գործընթացում։

Պրոբացիայի ծառայությունը շարունակական կերպով իրականացնում է նմանատիպ նախաձեռնություններ՝ աջակցելով շահառուների վերասոցիալականացմանը և հասարակության լիարժեք անդամ դառնալուն։