Եվրոպայի խորհրդի 2023–2026 թվականների Հայաստանի գործողությունների ծրագրով ֆինանսավորվող «Աջակցություն Պրոբացիայի ծառայություն հզորացմանը Հայաստանում» ծրագրի շրջանակներում միջազգային և ազգային փորձագետների կողմից մշակվել է «Կախվածությունների հաղթահարման» վերականգնողական ծրագրի ձեռնարկը։ 2024 թվականի օգոստոսին մեկնարկած ծրագրի երկրորդ խմբի պիլոտային փուլը հաջողությամբ ավարտվել է։

Վերականգնողական ծրագրի նպատակն է պրոբացիայի շահառուներին աջակցել վնասակար կախվածություններից հրաժարվելու գործընթացում, բարձրացնել նրանց մոտիվացիան, խորացնել գիտակցումը կախվածությունների հետևանքների վերաբերյալ և խթանել փոխվելու ու առողջ ընտրություն կատարելու կարողությունը։

Պիլոտային փուլը ներառել է 9 հանդիպում, որոնց մասնակցել են 6 շահառուներ։ Ծրագրի ավարտին մասնակիցներին տրվել են հավաստագրեր՝ ընդգծելով նրանց ներգրավվածությունն ու կատարած առաջընթացը։

Ծրագիրն ուղղված է պրոբացիայի շահառուների վերասոցիալականացման և առողջ վարքագծի խթանմանը՝ ծառայության աշխատանքի արդյունավետության բարձրացման միտումով։