Պրոբացիայի շահառուների կրթական, հոգևոր և մշակութային ներառման նպատակով Պրոբացիայի ծառայության Տավուշի մարզային մարմնի աշխատակիցները կազմակերպել են թվով 8 շահառուների այց Դիլիջանի Սուրբ Խաչ եկեղեցի։

Միջոցառման նպատակն էր խթանել շահառուների հոգևոր գիտելիքների զարգացումը, նպաստել նրանց մշակութային և ազգային արժեքների ճանաչմանը, ինչպես նաև ձևավորել հասարակության հետ փոխադարձ հարգանքի վերաբերմունք։

Պրոբացիայի ծառայությունը շարունակաբար իրականացնում է վերասոցիալականացմանն ու վերաինտեգրմանը միտված տարբեր նախաձեռնություններ՝ աջակցելով շահառուների կայուն վերադարձին համայնքային կյանք։