Պրոբացիայի ծառայության վերասոցիալականացման ծրագրերի շրջանակում Շիրակի մարզային մարմնում հաշվառված թվով 18 շահառուներ մասնակցել են «Ապրումակցող հաղորդակցություն» թեմայով դասընթացին, որը կազմակերպվել էր «Հանրային լրագրության ակումբ» ՀԿ-ի կողմից և վարել է Գոհար Գրիգորյանը։

Դասընթացի ընթացքում մասնակիցները ծանոթացել են ոչ բռնի հաղորդակցության հիմնական սկզբունքներին, քննարկել են զայրույթի կառավարման և այն ոչ բռնի ձևով արտահայտելու արդյունավետ մոտեցումները, ինչպես նաև սովորել են տարբերակել դիտարկումը գնահատականից։

Առանձնահատուկ ուշադրություն է դարձվել սեփական զգացմունքների և կարիքների ճանաչմանն ու հստակ ձևակերպմանը, ինչպես նաև ակտիվ լսելու և ապրումակցելու հմտությունների զարգացմանը։ Գործնական վարժությունների և քննարկումների միջոցով մասնակիցները հնարավորություն են ունեցել զարգացնելու կառուցողական հաղորդակցության կարողությունները և կիրառելու դրանք առօրյա կյանքում։

Նման նախաձեռնությունները կարևոր դեր ունեն շահառուների սոցիալական հմտությունների զարգացման, միջանձնային հարաբերությունների բարելավման և հասարակությունում արդյունավետ վերաինտեգրման գործընթացում։