ՀՀ արդարադատության նախարարության Պրոբացիայի ծառայության և «Հայաստանի եվրոպական համալսարան» հիմնադրամի միջև կնքվել է համագործակցության հուշագիր՝ միտված կրթություն–գիտություն–պրակտիկա արդյունավետ և շարունակական կապի զարգացմանը։

Համաձայնագիրը ստորագրվել է Պրոբացիայի ծառայության պետ Գուրգեն Աֆրիկյանի և «Հայաստանի եվրոպական համալսարան» հիմնադրամի ռեկտոր, պրոֆեսոր Հեղինե Բիշարյանի կողմից։

Կողմերը կարևորել են պետական կառույցների և բարձրագույն ուսումնական հաստատությունների միջև համագործակցության խորացումը՝ այն դիտարկելով որպես ոլորտի զարգացման կարևոր նախապայման։

Համաձայնագրի շրջանակում նախատեսվում է ձևավորել կայուն գործընկերություն, որը կնպաստի ինչպես ուսանողների մասնագիտական զարգացմանը, այնպես էլ պրոբացիայի համակարգի արդիականացմանն ու արդյունավետության բարձրացմանը։