Սույն թվականի հունիսի 3-4-ը Մալթայի Հանրապետության Վալետա քաղաքում կայացել է Եվրոպայի խորհրդի Բանտային և պրոբացիոն ծառայությունների ղեկավարների 31-րդ համաժողովը (CDPPS), որին մասնակցել է ՀՀ արդարադատության նախարարության Պրո բացիայի ծառայության պետ Գուրգեն Աֆրիկյանը։

 

«Հատուկ կարիքներ և խոցելիություններ ունեցող անձինք» խորագրով համաժողովի շրջանակում քննարկվել են հետևյալ թեմաները՝

• ազատությունից զրկված և պրոբացիոն վերահսկողության ներքո գտնվող օտարերկրացիների առանձնահատուկ կարիքները,

• կանանց նկատմամբ կիրառվող պատժի և այլընտրանքային միջոցների առանձնահատկությունները,

• տարեց անձանց հետ աշխատանքի մարտահրավերներն ու լավագույն փորձը,

• բանտային և պրոբացիոն ծառայությունների միջև համագործակցության արդյունավետ մեխանիզմները,

• վերասոցիալականացման և համայնք վերադառնալու գործընթացում միջգերատեսչական համագործակցության դերը։

 

Համաժողովի ավարտական «Նայելով առաջ» քննարկմանը որպես բանախոս հանդես է եկել նաև Պրոբացիայի ծառայության պետ Գուրգեն Աֆրիկյանը՝ ներկայացնելով Հայաստանի պրոբացիոն համակարգում իրականացվող բարեփոխումները, խոցելի խմբերի հետ աշխատանքի փորձը և միջազգային համագործակցության կարևորությունը։

 

Ելույթի ընթացքում ընդգծվել են՝

• պրոբացիայի ոլորտում իրականացվող ինստիտուցիոնալ բարեփոխումները,

• խոցելի խմբերի կարիքներին ուղղված ծրագրերի զարգացումը,

• վերասոցիալականացման գործընթացում անհատական մոտեցումների կիրառումը,

• եվրոպական գործընկերների հետ փորձի փոխանակման և համագործակցության ընդլայնման կարևորությունը,

• պրոբացիոն ծառայությունների դերի բարձրացումը կրկնահանցագործության կանխարգելման և հասարակական անվտանգության ապահովման գործում։

 

Համաժողովը կարևոր հարթակ էր եվրոպական երկրների մասնագետների միջև փորձի փոխանակման, ոլորտային մարտահրավերների քննարկման և համագործակցության նոր հնարավորությունների ձևավորման համար։