Հայաստանի Հանրապետության զինանշան
Պրոբացիայի ծառայություն
Հաղորդագրություններ

Կրոնական միջոցառումներ ՀՀ ԱՆ պրոբացիայի ծառայության Լոռու մարզային մարմնում

հունիսի 30, 2022
ՀՀ ԱՆ պրոբացիայի ծառայության Լոռու մարզային մարմնի աշխատակիցները, վերասոցիալականացման ծրագրերի շրջանակներում, սույն թվականի հունիսի 30-ին  մարմնում հաշվառված 2 շահառուների հետ այցելեցին Հայ առաքելական եկեղեցու Գուգարաց թեմի Սպիտակի Սուրբ Հարություն եկեղեցի:
Իսկ Հայ առաքելական եկեղեցու Գուգարաց թեմի Ստեփանավանի Սուրբ Սարգիս եկեղեցու համագործակցության արդյունքում վերոհիշյալ մարմնում հաշվառված մեկ շահառու սույն թվականի հունիսի 25-ին հոգևոր սպասավոր Տեր Մամբրե քահանա Ոսկանյանի ուղեկցությամբ մասնակցել է ուխտագնացության դեպի Օհանավանք, Սաղմոսավանք և Սուրբ Նշան եկեղեցի:
Միջոցառումները կրում էին Հայ առաքելական եկեղեցու դերի, հոգևոր արժեքների ճանաչման և արժևորման խորհուրդ: